రవి, శ్రేయ తివారి హీరో, హీరోయిన్లుగా నటించిన చిత్రం విచిత్ర. సిస్ ఫిలిమ్స్ బ్యానర్ పై సైఫుద్దీన్ మాలిక్ నిర్మాణ దర్శకత్వంలో రూపొందిన ఈ చిత్రం సెన్సార్ పనులు పూర్తి చేసుకుని, విడుదలకు సిద్ధంగా ఉంది. ఈ సందర్బంగా దర్శక, నిర్మాత సైఫుద్దీన్ మాలిక్ మాట్లాడుతూ ఒక ఆత్మీయమైన అమ్మ సెంటిమెంట్ నేపథ్యంతో రూపొందిన సినిమా. ప్రతి కుటుంబం తల్లి ప్రేమ, త్యాగం, బంధం గురించి ఆలోచించేలా చేసే హృదయాన్ని తాకే కథ ఇది. ఈ చిత్రాన్ని కుటుంబంతో కలిసి సంతోషంగా ఎంజాయ్ చేస్తూ చూసే ఫ్యామిలీ డ్రామాగా నిలుస్తుందనే నమ్మకంతో మా టీమ్ పనిచేసింది. అమ్మ ప్రేమను, భావోద్వేగాన్ని, కుటుంబ విలువలను కొత్త దృక్కోణంలో ఈ సినిమా ద్వారా చూపించబోతున్నాం. ఈ చిత్రం ప్రేక్షకుల హృదయాల్లో చిరస్మరణీయమైన ముద్ర వేస్తుందని ఆశిస్తున్నాం అని తెలిపారు. జ్యోతి అపూర్వ, రవి, శ్రేయ తివారి, బేబీ యసిక రవి ప్రకాష్, సూర్య, ఛత్రపతికి శేఖర్, జబర్దస్త్ ఉద్ధండులు అప్పారావు, త్రినాథ్, సత్తిపండు, బాబీ తదితరులు నటిస్తున్నారు. ఈ చిత్రానికి ఎడిటింగ్-కడిమిశెట్టి లక్ష్మీనారాయణ, సంగీతం- నిజాని, నిర్మాత, దర్శకత్వం – సైఫుద్దీన్ మాలిక్.
