ప్రపంచ సినీ రంగంలో అత్యంత ప్రతిష్ఠాత్మకంగా భావించే 98వ అకాడమీ అవార్డుల (ఆస్కార్) ప్రదానోత్సవం అట్టహాసంగా జరిగింది. ఈ వేడుకలో గ్లోబల్ స్టార్ ప్రియాంక చోప్రా మరోసారి ప్రత్యేక ఆకర్షణగా నిలిచారు. హాలీవుడ్ నటుడు జేవియర్ బార్డెమ్తో కలిసి ఆమె ‘బెస్ట్ ఇంటర్నేషనల్ ఫీచర్ ఫిల్మ్’ అవార్డును ప్రదానం చేసేందుకు వేదికపైకి వచ్చారు. ఈ ఏడాది భారతీయ అభిమానులకు ఈ వేడుక మరింత ప్రత్యేకంగా మారింది. అంతర్జాతీయ వేదికపై భారతీయ ప్రతిభ, అందం మరోసారి ప్రపంచం దృష్టిని ఆకర్షించాయి.
గ్లోబల్ ఐకాన్ ప్రియాంక చోప్రా ఆస్కార్ వేదికపై ప్రజెంటర్గా కనిపించడమే కాకుండా, రెడ్ కార్పెట్పై తన స్పెషల్ లుక్ తో అందరినీ ఆశ్చర్యపరిచారు. ఆమె డియోర్ సంస్థ రూపొందించిన వైట్ గౌనును ధరించారు. ఈ దుస్తులకు ఉన్న హై స్లిట్, ఫెదర్ లాంటి డీటెయిలింగ్ ఆమె లుక్కు మరింత రాయల్ టచ్ ఇచ్చింది. వజ్రాల హారంతో పాటు పాయింటెడ్ బ్లాక్ హీల్స్ను జత చేసి ప్రియాంక చాలా సింపుల్గా, ఎంతో గ్రేస్ఫుల్గా కనిపించారు.
